Бишкектеги Республикалык клиникалык инфекциялык ооруканага тамакка ууланып кайрылган 42 адамдын баары медициналык жардам алгандан кийин бейтапканадан чыгарылды.

Оорукананын башкы дарыгери Гүлжигит Аалиев "Азаттыкка" билдиргендей, 40 киши 24-августта алгачкы жардамды алары менен кетишкен. Экөө бир күндүк текшерүүдөн соң чыгарылды. Абалдары жакшы.

Дарыгердин айтымында, алар "Ак кеме" мейманканасында тренингге келген кишилер. Арасында экөө чет элдик.

Тамакка уулангандар кайсыл тренингге катышып жатканы, ким уюштурганы жана кандай тамак жегени тууралуу азырынча "Ак кеме" мейманканасынан маалымат алууга мүмкүн болгон жок.

Булак: NazarNews.kg