"Боконбаево" деген ким же эмне?

Журналист: NAZARNEWS

07.02.2018, 4:18

21826

коом

Өкмөттүн Ысык-Көл облусундагы өкүлү Узарбек Жылкыбаев Тоң районундагы Бөкөнбаев айылына кире бериштеги «Боконбаево» деген жазууну кыргызча жазууну акимге тапшырды. Бул тууралуу аймактык кабарчы билдирди. Бүгүн, 6-февралда Бөкөнбаев айылында өткөн жыйында облус жетекчи социалдык тармактарда бул жазуу катуу талкууга алынганын айтты. «Бөкөнбаево деген жазууну кыргызча Бөкөнбаев деп өзгөртүп жазуу керек. Бул ишти Нооруз майрамына чейин бүтүрсөңүздөр», - деди ал. Мындан тышкары, жыйында айыл тургундар кадр маселесин козгоп, акчалуулар гана чоң кызматта отурганын, карапайым элдин жана билимдүүлөрдүн мүмкүнчүлүгү аз болуп жатканын айтышты. У.Жылкыбаев аким Т.Ажиевди премьер-министрге өзү сунуштаганын айтып, анын себебин ал кишинин жөндөмдүүлүгү жана буга чейин өз жумушуна так иштеп жүргөнү менен түшүндүрдү.

Эскерте кетсек, Президент тарабынан жакында эле орус аталышындагы айыл аймактар кыргызчаланган.

Булак: NazarNews.kg