"Сот" деген түшүнүк - "сатылган ит" болуп калыптыр!

Журналист: NAZARNEWS

07.10.2019, 0:06

18108

турмуш

Насирбек Алмаматовду Кыргызстандыктардын баары билет. УКМК аны жылдыз кылган. Анын катышуусундагы “документалдык тасманы” (оперативдүү тасма) 10 жаштагы баладан 90го чыгып калган атага чейин көрүп чыккан.

Бул адам Бишкек шаарындагы транспортту жана айдоочу күбөлүктөрдү каттоо департаментинин мурдагы башчысы. Пара алып жатып кармалып, быйыл май айында 12,5 жылга кесилген. Эми эмне дебейсизби?

Тоок уурдап соттолгондор бардык мөөнөтүн акырына чейин өтөйт дагы, мындай коррупционерлер аз мөөнөттө гана суурулуп чыгып кетет.

Маалыматтарга караганда, Алмаматов боштондукка чыгыптыр. Сот реформасын кылабыз деп сүйлөйсүңөр күндө телевизордон. Кана ал реформа? Тескерисинче соттор көөп кеткен жокпу? ИИМ, Финпол, Прокуратура, УКМК кылмышкерди колунан алып келип берсе, андан дагы колунда видео далил турат го. Бирок, сот деген макулук андайларды кое берип жатпайбы! Бети жоктук бул! Өткөндө транспорт министринин орун басарын (500 миң даллар пара алып кармалган делип!) бошотуп бердиңер, элдин мал-мүлкүн жеп камалган Музаффар Исаков бошонгону турат. Эми каякка дагы?..

Булак: NazarNews.kg