Бишкек шаарынын жолдорунда катталган акыркы беш айдын ичинде жол-кырсыктарынын кесепетинен көптөгөн жөө жүргүнчүлөрүбүз жабыр тартууда.

Жүргүзүлгөн анализге таянсак баардыгы 910 жол-кырсыгы катталса, алардын ичинен каза тапкандары-23 жаран, 1107 жаран жол-кырсыктарынын кесепетинен жапа чеккендер. Катталган жол кырсыктарнынын 56% жөө жүргүнчүнүн сүзгөндөр болууда. Жалпысынын катталган 510 жол-кырсыгы, жөө жүргүнчүнүн катышуусунда болуп, анын ичинен 13 адам каза тапса, 521 жараныбыз ар кандай жаракат алышкандар.
Жогорулардын негизинде жана жарандарыбыздын ден-соолугун, өмүрүн сактоонун максатында айдоочулар жана жөө-жүргүнчүлөр арасында жол-эрежелерин бесем сактап жүрүү, алардын ичинен жөө-жүргүнчүлөрдүн жолдон өтүү эрежелери боюнча эскертүү, түшүндүрүү, профилактикалык иштер “Жөө жүргүнчү” аталышта Бишкек ШИИББнын Патрулдук милиция менен милициянын аймактык тескөөчүлөрү, жаш өспүрүмдөр боюнча тескөөчүлөр менен бирдикте Бишкек шаарынын аймагында 2017-жылдын 12-июндан баштап рейддер жүргүзүлөт деп билдирет Бишкек ШИИББнин ПМБнын Басма сөз кызматы.

Булак: NazarNews.kg