Бажы кызматынын орун басары Раим Матраимов кызматынан алынгандан кийин, аны Атамбаев камакка алуу аракетин көргөн. Ошондо Матраимов Икрам Илмияновго "эгер мени камасаңар сырдын бетин ачам",-деп коркуткан экен. Ошондон кийин Раим Матраимовду камабай калышыптыр. Бирок, ал кандай сыр экени азырынча табышмак.

Атамбаевдин "Алласын" оозун келтирген кандай сыр болушу мүмкүн? Балким, Кытайдан контрабанда жолу менен бир нече жолу кирип, аягында Дача Су айылына кулап түшкөн кандуу жүк тууралуу сыр болуп жүрбөсүн?.. Өмүрбек Текебаев дагы өткөн жылы кандуу жүктүн сырын ачканы калганда шашылыш камакка алынган. Атамбаевдин коркконуна караганда Раим Матраимов анын көп сырын билген өңдөнөт. Ал корккон кишисин саясаттан сүрүп, камап же алыстатууга уста.

Ошондон улам, бүгүн КСДПнын сьездине Искендер Матраимовду чакырбай, маалымат жыйында Раим Матраимовду бир канча жолу оозанып, ичиндеги кегин төгүп, өч алып жатты окшойт.

Булак: NazarNews.kg