“Өлкөгө эл аралык гуманитардык уюмдардын, авторитеттүү медиялардын, кризиске каршы конфликтологдордун келишине шарт түзөлү”, - деди бүгүн, 4-майда NazarNews маалымат агенттигине Жогорку Кеңештин депутаты Равшан Жээнбеков.

"Тажик диктатору менен анын тегерегиндегилерден айырмаланып биздин эл дагы, бийлик дагы согушту каалабайбыз. Ошондуктан кандай гана кыйын болбосун, биз баарыбыз Кыргызстандагы тажик улутунун өкүлдөрүнүн коопсуздугун камсыз кылышыбыз керек.

Өлкө институттарынын, эл аралык уюмдардын иликтөөлөрү болсо жардам берели.

Өлкөгө эл аралык гуманитардык уюмдардын, авторитеттүү медиялардын, кризиске каршы конфликтологдордун келишине шарт түзөлү. Бул кадамдар келечек үчүн аябагандай маанилүү.

Булак: NazarNews.kg