Рим папасы Франциск тизесинин абалынан улам саякатка чыгууну токтотууга аргасыз болгонун, андагы операция наркоздун кыйынчылыктарынан улам татаалдашып жатканын айтты.

"Мен мурункудай темп менен саякаттоону уланта алам деп ойлобойм. Менин жашымда жана азыркы абалым менен чиркөөгө кызмат кылуу үчүн өзүмө кам көрүшүм керек. Канткен менен папаны алмаштырууга ар дайым мүмкүнчүлүк бар. Бирок мен өзүмдү ушул нерселер менен бир аз чектешим керек деп ойлойм", - деди ал.

Понтифик артроз оорусунан жабыркайт, бул анын чиркөөдөгү жөрөлгөлөргө толук катышуусуна тоскоол болуп, коляскасында жүрүүгө мажбурлайт.

"Мага азыр операция ылайыктуу эмес, дарыгерлер буга макул, бирок наркоз кыйын. Менде наркоздун изи дагы деле бар. Бирок мен саякаттоону улантууга аракет кылам, менимче, бул кызмат кылуунун бир жолу", - деди Рим Папасы.

Булак: NazarNews.kg