www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Мамлекет башчы Садыр Жапаров "Кабар" агенттигине берген маегинде УКМК башчысы Камчыбек Ташиевге Кыргыз футбол федерациясын жетектөөнү сунуштаганын билдирген.
Журналист Кыргызстандын футбол боюнча курама командасы бийлик шарт түзүп берип жатканына карабай Азия оюндарында жакшы жыйынтык көрсөтпөгөнүн айтып, президенттин пикирин сураган. Өлкө башчы футболчуларга шарт эми эле түзүлүп, каржылоо башталганын белгилеп, жыйынтыкты жок дегенде 3-4 жылда күтүү керектигин айткан.
"Анын үстүнө Кыргыз футбол союзунун башында катуу көзөмөл кылган бирөө турбаса, жыйынтык чыгышы кыйын. Эң негизгиси футболчулардын машыгуусуна кылдат көңүл буруп, тартип болушу керек. Аны жакшы билебиз. Ошол үчүн кечээ Камчыбек Кыдыршаевичке "Кыргыз футбол федерациясынын башына өзүң барчы" деп сунуш кылдым", — деген Жапаров.
Президент Кыргызстан азырынча сырттан машыктыруучу алып келүүгө мажбур экенин айтып, келечекте Кыргызстан футбол боюнча күрөштөгүдөй жакшы жыйынтык көрсөтөт деген ишеничин билдирген.
Эскерте кетсек, футбол боюнча Азия кубогундагы оюнда Кыргызстандын курама командасы эки ирет утулуп, бир оюнда тең эсеп менен чыккан. Натыйжада тайпада акыркы орунду ээлеп, континенталдык биринчиликтин плей-оффуна чыга алган эмес. Бул оюндан кийин Кыргыз футбол союзунун (КФС) аткаруу комитети менен президенти мөөнөтүнөн мурда кызматын тапшырган.
Булак: NazarNews.kg
< Предыдущий
Следующий >
Последние новости
