Садыр Жапаровдун бүгүн, 1-июнда "Наристе" II Эл аралык балдардын фольклордук фестивалынын салтанаттуу ачылышына кийип келген костюму имамдардын бирдиктүү костюмуна окшош. Бул тууралуу Кактус.media жазды.

Садыр Жапаров оймо-чийме түшүрүлгөн тик жакалуу кочкул көк костюм кийип чыкты. Белгилей кетсек, президент мындай кийим менен коомчулукка биринчи жолу чыгып жатат.

Кызыгы бул костюм имамдардын бирдиктүү формасына окшош.

Эске салсак, кечээ, 31-май күнү Чүй облусундагы жана Бишкек шаарындагы дин кызматкерлерине бирдиктүү форма тапшырылган.

Маалым болгондой, Кыргызстандагы бардык имамдар бирдиктүү формага өтүшкөн.

Муфтияттын маалыматына караганда, жалпы 3800 форма тигилген.

Булак: NazarNews.kg