“Президент биздин атабыз” деп дубалга жаздырып коюп, дагдаңдап сүрөткө түшүп жүргөн Ош облусунун губернатору Зиядин Жамалдинов соцтармакта таландыга калды. Коомчулук кыйла эле тепкиледи. Өзүнүн бул боюнча жарытылуу жообун окуй албадык.

Сыягы, “артык кылам деп тыртык кылып алды” окшойт. Кошоматтык, жагымпоздонуу менен уятка калганын сезип, кичине бети кызардыбы? Президент мындай жойкумалардан этияттап, оолак болсо жарашпайт беле?

Садыр Жапаров түрмөдө отурганда Зиядин Жамалдинов адилеттүү сөзүн айтып, коргоп чыкканын уккан эмеспиз. Көрсө, мындайлар бийликке келгенде гана жанталаша чыга калышат тура.

Булак: Азия News гезити