www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Президент Садыр Жапаров Апрель элдик революциясы күнүнө карата кайрылуу жолдоду. Жапаровдун пикиринде, Апрель окуялары орду толгус жоготуулардын, кырчындай өмүрлөрдүн кыйылышы менен коштолгон окуялар катарында тарыхта калды.
Мурдагы бийликтердин кулашына коом менен бийликтин ортосундагы узак убакыт бою чечилбей келе жаткан карама-каршылык себеп болгон.
Революцияга алып келген негизги күч — адилеттикке, калыстыкка умтулуу болгон. Март революциясы максатына жетпей калгандыктан, Апрель революциясы болду.
«2010-жылы 7-апрелде кыргыздын уул-кыздары Акүйдүн алдына ɵз саясий укуктарын коргоо үчүн барган эле. Бирок бийликтин карапайым элден алыстап калгандыгы билинди. Апрель окуяларында элибиздин тайманбас уулдарынан айрылдык. Арадан канча мезгил ɵтсɵ да, шейит кеткен Апрель баатырларынын кайгысы эч качан унутулбайт. Баатыр уулдарыбыздын жаркын элеси түбɵлүккɵ жашай берет. Апрель революциясынын эң башкы натыйжасы мамлекеттин өнүгүшүндөгү демократиялык жолдун тандалып алынышы болду»,-дейт Садыр Жапаров.
Президенттин пикиринде, элдик революциянын дагы бир сабагы — мамлекеттик бийликти күч колдонуп, кан төгүү жолу менен эмес, тескерисинче, тынчтык жолу менен мыйзам чегинде, таза шайлоо аркылуу чыңдоо керектигин көрсөткөнүндө болду.
Бүгүн 7-апрелде Апрель окуяларына он бир жыл болду.
Булак: NazarNews.kg
< Предыдущий
Следующий >
Последние новости
