“Мурунку КР Коопсуздук кеңешинин катчысы Кеңешбек Дүйшөбаев андай жогорку кызматты ээлеп олтурганга моралдык укугу жок эле деп эсептейм”, – деп билдирди кечээ, 27-октябрда КР Президентинин милдетин аткаруучу, премьер-министр Садыр Жапаров УТРК телеканалына интервью берип жатып.

“2010-жылдын июнь айында өлкөнүн түштүгүндө болуп өткөн кандуу окуялар учурунда Кеңешбек Дүйшөбаев УКМКны жетектеп турган. Ал ошол окуялардын болуп кетишине күнөөлүү адамдардын бири катары жоопко тартылыш керек”, – деди Садыр Жапаров Коопсуздук кеңешинин катчысы Кеңешбек Дүйшөбаевдин кызматынан кетиши боюнча комментарий берип жатып.

Булак: NazarNews.kg