www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Президент Садыр Жапаров бүгүн, 20-ноябрда өлкөнүн прокуратура органдарынын кызматкерлеринин күнүнө арналган салтанаттуу иш-чарада көзөмөлдөөчү органдын кызматкерлерин ишти сапаттуу тергөөнүн үлгүсү болууга чакырды.
Мамлекет башчысы ар бир кылмыш жөнүндө билдирген адам принципиалдуу жана калыс тергөө жүргүзүү аркылуу, мамлекет тарабынан — анын тебеленген укуктарынын реалдуу түрдө калыбына келтирүүнү жана камакордукту сезүүсү зарыл экенин белгиледи. Аны менен бирге, ар бир кылмышкер сөзсүз жазаланууга тийиш.
Садыр Жапаров өнүккөн мамлекеттин маңызы — бул өнүккөн коом экенин белгиледи. Мамлекеттин жашоосундагы бардык чөйрөлөрүндө мыйзамдын үстөмдүгүн камсыз кылуу туруктуу жана ар тараптуу өнүгүү үчүн өбөлгө түзөт. Ошондуктан, прокурорлор мыйзам сакчылары катары мамлекеттин учурдагы өнүгүү жолуна түшкөн саясатын бардыгына бирдей жана так аткарылышына прокурордук көзөмөл кылып, мыйзам бузууга жол бергендерге принципиалдуу чара көрүшү зарыл.
Мамлекет башчысы прокуратура органдарынын кызматкерлеринин арасында тартипсиз кызматкерлер дагы жок эмес экенине, аларга карата буга чейин чаралар көрүлгөнүнө өзгөчө көңүл бурду. Алардын айрымдары кармалып, айрымдары кызматынан алынды.
Президент Садыр Жапаров мындай кызматкерлерден тазалануу керектигин белгиледи. Ошондо гана элдин ишенимин жогорулатууга мүмкүн болот.
Булак: NazarNews.kg
< Предыдущий
Следующий >
Последние новости
