Бүгүн, 12-июнда Биринчи Май райондук сотунда Садыр Жапаровдун кезектеги сот отуруму болууда. Телефонго, фотоаппаратка сүрөткө тартууга тыюу салынды.  Соттук процесске күбө катары Эмилбек Каптагаев да барып, аны судья жабырлануучу катары тааныштырды. Бирок Каптагаев иш боюнча Жапаровго доо арызы жок экенин айтты. Жапаровдун жактоочусу Акин Токталиев доосу жогон эскертти. "Буга чейин Каптагаевди Жапаров барымтага алды деп маалымат каражаттары айтып чыгышты. Азыр Каптагаев "доом жок" деп бул залда отурат. Мүмкүн президентке маалымат толук жетпей жаткандыр. Соттук иш боюнча маалымат ачык жарыяланып туруусу керек. Силер соттор, прокурорлор, "кукушка" болуп отура бербегиле, бул бийликтин эртең күнү бүтөт. Силер ошол күндөрүңөрдү ойлогула", - деди.

Булак: NazarNews.kg