Жарым-жартылай мобилизациялана тургандар үчүн эмгек кепилдиги тууралуу мыйзам долбоору жакында РФ Мамлекеттик Думасынын кароосуна киргизилет. Мында кеп алардын жумуш орундарын сактоо тууралуу болорун социалдык комитеттин жетекчиси Инна Святенко билдиргенин РИА Новости жазды.

"Орусия жаңы тарыхында азыркыдай кырдаалга биринчи жолу кабылып жатат, мындан улам жарым-жартылай мобилизациялана турган россиялыктарга эмгек кепилдиги берилиши керек", — деди Святенко.

Анын айтымында, Федерация кеңешинин социалдык комитетинде, ошондой эле РФ өкмөтүндө азыркы Эмгек кодексинде да, башка кодекстерде да каралбаган айрым нюанстарды жолго коюу жаатында иштер жүрүп жатат.

"Биз үчүн мобилизациялана турган жарандар мамлекет камсыздоого жөндөмдүү болгон кепилдигинин баары сакталарын түшүнүүсү өтө маанилүү", — деди сенатор.

Святенко атайын операцияга катышып жаткан ыктыярчы жоокерлер үчүн да эмгек кепилдиги боюнча сунуштар каралып жатканын кошумчалады.

"Эмгек кепилдиктеринин баары камсыздалып, жумуш орундары сакталышы керек", — деди комитеттин жетекчиси.

Анын айтымында, документ учурда иштелип чыгууда, жакында Мамдумага киргизилет.

Эске салсак, Орусия президенти Владимир Путин 21-сентябрь күнү жарым-жартылай мобилизация тууралуу жарлык чыгарды. Федерация кеңешинин төрайымы Валентина Матвиенко пленардык жыйын учурунда өлкө башчынын тапшырмасы менен мыйзамга атайын операциянын катышуучулары үчүн эмгек кепилдигин камсыздоого байланышкан өзгөртүүлөр даярдалып жатканын кабарлаган.

Булак: NazarNews.kg