Өзбекстандын президенти Шавкат Мирзиёев Кыргызстанга мамлекеттик сапар менен келет. Бул туурасында тышкы иштер министринин орун басары Айбек Артыкбаев Жогорку Кеңештин Эл аралык иштер, коргоо, коопсуздук жана миграция боюнча комитетинин жыйынында билдирди.

Анын айтымында, Мирзиёевдин 9-декабрда Бишкекке келери күтүлүүдө.

Белгилей кетсек, буга чейин Кыргызстан менен Өзбекстандын чек араларын демилитациялоо боюнча документтерди алмашышары айтылып жаткан. Аны менен катар эки өлкөнүн жарандарын кирип-чыгуусун жеңилдеткен мыйзамга дагы кол коюлат.

Бул күнү борбор калаада ЕАЭБ мамлекеттеринин жетекчилеринин да саммити өтөт.

Булак: NazaNews.kg