Өзбекстандын президенти Шавкат Мирзиёев саммитке катышуу үчүн Түркмөнстанга барат. Бул тууралуу Өзбекстан, Тажикстан жана Түркмөнстандын Тышкы иштер министрлеринин видеоконференциясында белгилүү болгон.  

Маалыматка ылайык, Шавкат Мирзиёев август айынын башына белгиленген Тажикстан, Түркмөнстан жана Өзбекстандын мамлекет башчыларынын үч тараптуу саммитине катышат.

Министрлер программанын долбоорун, алдыдагы жыйындын күн тартибин, ошондой эле саммиттин жыйынтыктоочу документинин долбоорун талкуулашып, аймактык кызматташтыктын артыкчылыктуу аспектилери боюнча пикир алмашышты.

Булак: NazarNews.kg