Германиянын эң ири оппозициялык партиясы ХДСтин төрагасы Фридрих Мерцтин маегинен цитаталар "Шольц Путинден коркот, ал эми коркуу жакшы кеңешчи эмес", - деп Германиянын эң ири оппозициялык партиясы ХДСтин төрагасы Фридрих Мерц ARD телеканалына интервью берди. Бул тууралуу маалыматты DW  жазып чыгып, айрым цитаталарды окурмандарга сунуштаган.

Орусия Федерациясы боюнча: “Эгерде биз Батышта өзүбүздү коргоодон корксок, анда бул согушта Путин баарыбызга каршы жарым жеңишке жеткен болот. Биз бир нече ондогон жылдар бою дайыма айтып келгенбиз. Бул агрессор бизге кол салуудан коркушу керек, ошондуктан биз өзүбүздү коргой аларыбызды билишибиз шарт. Британдыктар, француздар жана америкалыктар жана Байдендин айланасындагылардын баары бир нерсени айтып жатышат. Ал эми муну токтотуп жаткан жалгыз Германиянын канцлери (Олаф Шольц – Ред.). Ал ачык эле коркуп жатат. Ал эми коркуу жаман кеңешчи» - деди. 

Украинага Taurus ракеталарын жеткирүү Германияны согушка алып келиши мүмкүн деген кооптонуу боюнча:  "Британия жана Франция канаттуу ракеталарды берип жатат. Бул алар согушка кирип жатат дегенди билдиреби? Бул таптакыр болбогон сөз. Биз эффективдүү тоскоолдук жана Украинага аскердик сокку уруу мүмкүнчүлүгүн берүү жөнүндө айтып жатабыз. Аскердик максаттарда, эл аралык укукту бузган жана Украинанын карапайым калкына каршы ушунчалык ырайымсыздык менен багытталган бул согуштан коргонуу үчүн болгон далалат» - дейт. 

Солчул популист Сара Вагенкнехт тууралуу: “Вагенкнехт айым өкмөткө такыр киргиси келбейт, ал шайлоо өнөктүгүн өткөргүсү келет, анын жүрүшүндө ал дайыма “жок” деп, Россия менен Путиндин позициясын көрсөтөт Эгерде ал саясий жоопкерчиликти аркаласа, муну жакшы аткара албайт» - деп жар салган.