Шүкүрбек Эркебаев: "Канга тойбодуңбу Мискенбаев?"

Журналист: NAZARNEWS

21.03.2018, 10:10

29929

саясат

--Шүкүрбек мырза, Мээрбек Мискенбаев, президенттин инисине мандатын тапшыруу боюнча коңгуроо какты? Сиздин пикириңиз кандай, чын эле президенттин иниси Асылбек Жээнбеков мандатын тапшырышы керекпи?

--Асылбек Жээнбеков мандатын тапшыруу боюнча эч кандай сөз болбогонун билдирип, Мискенбаевди "правокатор"деп атады. Эң туура атады. Калп сөз айтып, элди будуң-чаң кылган бузуку Мискенбаевди мыйзамдын негизинде жооп беришин талап кылышыбыз керек? Канга тойбодуңбу Мискенбаев? 7-апрелде канчалаган күнөөсүз жарандардын канын төгүп, шаарларды талкалап, марадёрлук кылып бийликти алдыңар... 7-жыл ичинде эмнени жыргаттыңар? Кысчы жерин Мискенбаев кыссын! Кыргыз эли буларга оюнчук эмес деп айтам. Мындай былжырактардын Кыргызстанга кереги жок. Чагымчылдык кылганы үчүн, кылмыш иши козголушу керек. Эмне үчүн бийлик мындай мээси айныган Мээрбекке окшогондорго чагымчылдык кылганы үчүн жазага тартпайт. Мискенбаев бул жерде жөн гана "марионетка", бирөөнүн гана буйругун аткарып жатат. Сооронбай Жээнбековду, Мээрбек менен КСДП гана шайлаган эмес кыргыз эли шайлаган. Мындай ээси жоктор, элди экиге бөлүп бузбасын, мунун мээсине "Мегаком" зар, кыргыз эли зар эмес. "Мегакомдо" кеңешчи болуп иштегинин социалдык тармактан окудум. Ушул атканадан акылы чыкпаган Мээрбекке аталган компания зар болсо, анда аман болсун.

--Рахмат.

Булак: NazarNews.kg