Кытайдын төрагасы Си Цзиньпин Азия-Тынч океан аймагындагы мамлекеттердин жалпы жоопкерчилиги эмнеде экенин айтты. Си Цзиньпиндин айткандарын РИА Новости жазды.

Си Цзиньпин Азия-Тынч океан өлкөлөрүнүн аймактагы тынчтыкты коргоо жоопкерчилигин жарыялап, аларды жардам берүүгө чакырды.

«Акыркы жылдары Кытайдын Тынч океандагы арал өлкөлөрү менен өз ара урматтоого жана жалпы өнүгүүгө негизделген ар тараптуу стратегиялык өнөктөштүгү үзгүлтүксүз өнүгүп, жемиштүү натыйжаларга жетишти», - деп баса белгилеген Кытайдын төрагасы.

КЭРдин лидеринин айтымында, өлкө мамлекеттердин өлчөмүнө карабастан тең укуктуулук принциптерин дайыма колдоп келген. Мындан тышкары, Кита адилеттүүлүк, өз ара пайда, чын ыкластуулук жана достук түшүнүгүн жактаган.

«Эл аралык кырдаалдын өзгөрүшүнө карабастан, Кытай Тынч океан аймагындагы арал мамлекеттеринин ар дайым жакшы досу болуп келген... Азия-Тынч океан чөлкөмүндө тынчтыкты жана стабилдүүлүктү колдоо, бардык өлкөлөрдүн өнүгүшүнө жана гүлдөшүнө көмөк көрсөтүү аймак элинин жалпы умтулуусу жана аймактык мамлекеттердин жалпы жоопкерчилиги», - деди Си Цзиньпин.

Эске салсак, буга чейин Си Цзиньпин Франциянын президенти Эммануэль Макрон менен телефон аркылуу сүйлөшүү учурунда Европаны коопсуздук маселесин өз колуна алууга чакырган.

Булак: NazarNews.kg