Тынчтык өкүм сүргөн, туруктуу жана өнүккөн Ооганстан аймактын жана эл аралык коомчулуктун жалпы кызыкчылыктарына жооп берет. Бул тууралуу төрага Си Цзиньпин Ооганстандын кошуна өлкөлөрдүн тышкы иштер министрлеринин Үчүнчү жыйынынын катышуучуларына кайрылуусунда билдирди.

Бейшемби күнү Кытайдын чыгышындагы Аньхой провинциясынын Туньси шаарында Орусиянын тышкы иштер министри Сергей Лавровдун, ошондой эле Кытай, Пакистан, Тажикстан, Түркмөнстан жана Өзбекстан менен Ирандын тышкы иштер министрлери жана өкүлдөрүнүн катышуусунда Ооганстандын коңшу мамлекеттеринин министрлеринин үчүнчү конференциясы өтүүдө.

«Тынчтык, стабилдүү, өнүккөн жана гүлдөп өнүккөн Ооганстан бүткүл ооган элинин тилеги, ошондой эле аймак өлкөлөрүнүн жана эл аралык коомчулуктун жалпы кызыкчылыктарына жооп берет», - деди Си Цзиньпин Кытайдын борбордук телеканалы.

Ал белгилегендей, «Кытай Ооганстандын эгемендигин, көз карандысыздыгын жана аймактык бүтүндүгүн ар дайым урматтап келет жана Ооганстандын тынчтык жана стабилдүү өнүгүүсүн колдоого умтулат».

Анын айтымында, былтыр түзүлгөндөн бери Ооганстанга кошуна мамлекеттердин координациялоо жана кызматташуу механизми коңшу мамлекеттердин артыкчылыктарын пайдаланып, Ооганстандагы кырдаалдын тынч өтүшүнө конструктивдүү роль ойноду.

Эске салсак, Ооганстан менен чектеш өлкөлөрдүн тышкы иштер министрлеринин биринчи жолугушуусу 8-сентябрда видеоконференция форматында, экинчиси 27-октябрда Тегеранда бетме-бет форматта өттү.

Булак: NazarNews.kg