Кыргызстандык спортчу Денис Петрашов Парижде өтүп жаткан Олимпиада оюндарында жарым финалга чыкты.

Ал бүгүн, 30-июлда 200 метрге брасс ыкмасы менен сүзүү боюнча күчүн сынады. Бул аралыкка жалпысынан 25 спортчу катталып, алар 4 топко бөлүнгөн.

Петрашов үчүнчү жарышта баштап, 2 мүнөт 10,99 секунд көрсөткүч менен алтынчы орунду ээледи.

Жыйынтыгында, Петрашов мыкты ТОП-16га кирип, жарым финалга чыгууга мүмкүнчүлүк алды.

Жарым финалдык мелдеш 31-июлга караган түнү Бишкек убактысы боюнча саат 02:00дө башталат.