Сооронбай Жээнбеков Афганистан президенти  менен телефон аркылуу сүйлөштү
Расмий кабарлар  |   |  2336

Бүгүн, 26-мартта, Кыргыз Республикасынын президенти Сооронбай Жээнбеков Афганистан Ислам Республикасынын президенти Мохаммад Ашраф Гани менен телефон аркылуу сүйлөштү. Бул тууралуу өлкө башчынын басма сөз кызматы билдирди.

Мамлекет башчылары эки жана көп тараптуу кызматташуунун актуалдуу маселелерин талкуулашты.

Тараптар региондо коронавирус инфекциясынын жайылышына каршы күрөшүү максатында мындан ары дагы өз ара аракеттешүүгө даярдыгын билдиришти.

Ошондой эле Сооронбай Жээнбеков Мохаммад Ашраф Ганиге Чоң жана Кичи Памир аймагында жашаган этникалык кыргыздардын маселелерин чечүү боюнча демилгелерди колдогону үчүн ыраазычылыгын айтты.

Мамлекет башчылары эки тараптуу кызматташууну  мындан ары дагы тереңдетүүгө кызыкдарлыгын белгилешти.

Булак: NazarNews.kg

Поделитесь с друзьями