www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Президент Сооронбай Жээнбеков Кытай Эл Республикасынын төрагасы Си Цзиньпинди ай календары боюнча жаңы жыл — Жаз майрамы менен куттуктады. Бул тууралуу президенттин басма сөз кызматы маалымдады.
«Реформа жана ачык саясат жүргүзгөн 40 жылдын аралыгында Кытай чындыгында эле жалпы дүйнөнүн өнүгүшүнө таасирин тийгизген укмуштуудай ийгиликтерге жетишти. Бүгүн сиздин өлкө тездетилген социалдык-экономикалык өнүгүүнүн жолунда ишенимдүү бара жатат. Регионалдык жана эл аралык иштерде, глобалдуу проблемаларды чечүүдө маанилүү роль ойноп жатат. Мындай ийгиликке Кытайдын сиздин жетекчилигиңиз алдында жүргүзгөн акылман жана көрөгөч саясаты өбөлгө болууда.
Кыргызстан менен Кытайдын ортосундагы стратегиялык өнөктөштүктүн бийик деңгээлин белгилеп кетүү кубанычтуу. Эки тараптуу диалог өнүгүп жатат, саясий өз ара ишеним бекемдеп, соода-экономикалык жана маданий-гуманитардык тармактарда байланыштар кеңейүүдө. Коопсуздук чөйрөсүндө тыгыз өз ара аракеттенишүү жүзөгө ашырылууда. Өлкөлөрүбүз регионалдык жана эл аралык форматтарда жигердүү кызматташып жатат», - деп белгиленет Жээнбековдун куттуктоо телеграммасында.
Булак: NazarNews.kg
< Предыдущий
Следующий >
Последние новости
