Сот Темир Сариевдин абактагы мөөнөтүн узартты
Коом  |   |  1461

Мурдагы премьер-министр Темир Сариевдин абактагы мөөнөтү эки айга узартылды. Бул тууралуу Биринчи май райондук соту кабарлады.

Ага ылайык, саясатчы 30-ноябрга чейин камакта болот.

Экс-премьер 3-август күнү Кумтөр кени боюнча козголгон кылмыш ишине байланыштуу камалган. Ал экономика министри, ошол эле учурда мамлекеттик комиссиянын төрагасы болуп турган учурда Кумтөр кенинин ишинен экологияга келтирген чыгымдын суммасын азайтып койгон деп шектелип жатат.

Сариев Биринчи май райондук сотунун 4-августтагы чечими менен 30-сентябрга чейин УКМКнын убактылуу кармоо жайына киргизилген.

Булак:NazarNews.kg

Поделитесь с друзьями