Дүйнө түркүн кызыктарга бай болот. Алардын айрымдары бизди таң калдырып, суктанууну жаратса, айрымдарын укканда чоочулап да калган жайыбыз бар. Мына ошол дүйнө жүзүндөгү кызыктуу инсандар тууралуу фактыларды сиздерге сунуштайбыз.

1.Экинчи дүйнөлүк согуш дагы деле уланып жатат деп ойлоп, дээрлик отуз жыл бою токойдо жашынган жоокер

Дээрлик кырк үч жыл мурун Экинчи дүйнөлүк согушка катышкан Хироо Онода аттуу жапон жоокери Гуама жунглилеринде табылган, ал жерде жоокер дээрлик отуз жыл жашаган. Эч кандай шылтоо менен багынып бербөөгө буйрук берген Хироо Онода бир кишилик согуш жүргүзүп, эбак китеп сатуучу болуп иштеп калган майор Ёсими Танигучи аны менен жеке өзү жолугуп, буйрук бергенде гана багынып берген.

2.Дүйнөдөгү эң ичке белдүү аял

Германиялык 26 жаштагы Микеле Кобке үч жыл бою күн сайын корсет кийип, ал тургай анда уктап белин 64 сантиметрден 41 сантиметрге чейин кыскарткан. Анын бели баары суктанарлык болсо да, ал 36 сантиметрге чейин кыскартууга үмүттөнөрүн айтат.

3.Аэропортто жыйырма жылга жакын жашаган киши

Мехран Карими Насери 1988-жылдын 26-августунан 2006-жылдын июлуна чейин Франциянын Шарль де Голль аэропортундагы Биринчи Терминал залында жашаган ирандык качкын. Анын окуясы илхамдын негизги булагы болуп, башкы ролду Том Хэнкс (Том Хэнкс) аткарган "Терминал" тасмасынын негизин түзгөн.

4."Шайтан мүйүздүү" чоң апа

2010-жылы 101 жаштагы Чжан Руйфанг аттуу кытайлык чоң эне чекесине шайтандай мүйүз өстүргөнү үчүн дүйнө жүзү боюнча жаңылыктарга чыгып, досторун, үй-бүлөсүн жана бүткүл дүйнөнү таң калтырган.

5.Кырк жылдан бери уктабаган киши

Узакка созулган уйкудан качуу терс кесепеттерге алып келет, бирок борбордук Куанг Нам провинциясынан келген бул киши үчүн эмес. Уктай албаганы аны атактуу кылып гана тим болбостон, илимий изилдөөгө татыктуу болгон “кереметтүү” көрүнүштү да чагылдырат. Хай Нгок деген ат менен белгилүү болгон Тай Нгок 1973-жылы дене табы көтөрүлгөндөн кийин уктабай калганын айтат. Ошондуктан кырк бир жылдан ашык убакытты уйкусуз өткөргөн.

6.Он жети түрдүү мүнөзгө ээ аял

Карен Оверхиллдин диссоциативдик инсандык бузулуусунун оор учуру болгон. 1999-жылы ал чоочун жерлерде эсине келе баштаган, ал жакка кантип жеткенин билбейт. Ошондой эле ал окуп бүтүргөнүн эстеген чекиттен тышкары кыстармаларды таап, түнкүсүн ал күндүн кандай өткөнүн айтып жаткан үндөрдү угат. Аны тааныган, бирок тааныбаган, өмүрүндө көрбөгөн адамдарды да көп жолуктурчу. Акыры ал он жети түрдүү инсандар менен жашап жүргөнүн билип, кийин дарыланып, бардыгынан арылган.

Булак: NazarNews.kg