Алдын ала маалымат боюнча, Ибраимов менен Кулатов көчөлөрүнүн кесилишинде "Учкун" ААК имаратынын жанында УКМК Камчыбек Көлбаевди кармоо операциясы болуп жатат. Мылтыктын үндөрү угулууда. 

Бул жерде УКМКнын атайын отрядынын жоокерлери менен бирге брондолгон унаа токтоп турат.

Окуя болгон жерге келген журналистке тергөөнүн сырын шылтоолоп, тасмага тартууга тыюу салынган. Телефонун алып, бардык алынган нерселерди өчүрүп салышкан. 

Камчы Көлбаевди эмне себептен улам кармоо аракети көрүлүп жатканы азырынча белгисиз. Маалыматка ылайык, күзөтчүлөр асманга ок чыгарган. Алдын ала маалыматтар боюнча, камакка алуу иштери жүрүп жатат.

Булак: NazarNews.kg