Казакстанда төрт баланын энеси 1-класстын окуучусу кичүү уулу Алматыдагы эл аралык мектепте зордукталганын айтып, мектеп жетекчилиги ызы-чуу чыгарбоо аракетин көрүп жатканын Qaz365.kz сайты жазып чыкты.

Маалыматка ылайык, 1-класстын окуучусунун апасы уулунун шымынын арткы бөлүгү жыртылып калганын байкаган. Бала бул окуянын кандайча болгонун түшүндүргөн эмес, апасы баланы текшере баштагандан кийин баланын ич кийими тескери кийилип калганын байкаган. Ошондой эле арт жагында зордукталган белгилер байкалган.

Бул тууралуу Алматы шаардык ички иштер башкармалыгы комментарий берди.

Дарыгерлерди шашылыш чакыргандан кийин, эксперттер жаракат физикалык зомбулуктан гана болушу мүмкүн экенин тастыкташты. Баланын апасы дароо полицияга чалып, мектепте болгон окуя боюнча арыз жазган.

"Бардык анализдерди тапшыргандан кийин,  башка балдардын коопсуздугу үчүн ата-энелердин группасына мектепте кандайдыр бир маньяк пайда болуп, бардык балдарды коркутуп жаткан болушу мүмкүн деп жаздым. Мектептин директору баш болгон администрациянын катышуусунда жыйын өткөрүлдү. Кандайдыр бир моралдык жактан колдоо көрсөтүп, тергөөгө жардам беришет деп ойлогом. Бирок бул жыйын мени бүт мектепти кабардар кылганым үчүн жазалоо үчүн уюштурулган экен", - дейт жабырлануучунун апасы.

Ошол эле учурда мектеп жетекчилиги баланын апасына эч кандай колдоо көрсөтпөй, жолугушуудан кийин мөөнөтүнөн мурда ызы-чуу чыгарбоо талабын коюшкан. Мектеп директору бир күндө бардык камераларды карап чыкканын айтса, баланын апасы полиция менен бир нече күндөн бери видеолорду  карап жатышканын, бирок муну бир күндө жасоо мүмкүн эмес экенин айтат.

Жабырлануучунун апасы жарандардан колдоо сурайт, анткени коомчулуктун нааразычылыгы болбосо, күнөөлүүлөрдү табуу мүмкүн эмес экенин түшүнөт. Ошол эле учурда Алматыдагы эл аралык мектептин администрациясы ызы-чуу чыгарбоо аракетин көрүүдө.

Булак: NazarNews.kg