www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Ош облусунда айыл чарба багытындагы жерлерди мыйзамсыз сатуу фактысы аныкталды. Бул тууралуу УКМКдан билдиришти.
Маалыматка караганда, буга чейин мамлекеттик бийлик органдарында коррупциялык көрүнүштөрдү аныктоо жана бөгөт коюу боюнча комплекстүү иш-чаралардын жүрүшүндө КР Кылмыш-жаза кодексинин 337-беренеси ("Кызматтык абалын кыянаттык менен пайдалануу") боюнча кылмыш иши козголгон.
Анын алкагында Ноокат районунун Он-Эки-Бел айылынын аймагынан жеке турак жай куруу үчүн 30 гектардан ашык айыл чарба жерлерин мыйзамсыз сатуу фактысы белгилүү болгон.
"Жыйынтыгында Он-Эки-Бел айыл аймагынын мурдагы башчысы Т.К.Э., жер маселелери боюнча мурдагы адис К.И.Э., айылдык кеңештин мурдагы спикери К.Д.Т., айылдык кеңештин мурдагы депутаты М.К.А. кармалды", — деп айтылат билдирүүдө.
Азыркы учурда бул кылмыш ишинин натыйжасында мамлекетке келтирилген зыянды аныктоо жана күнөөлүү адамдарды жоопкерчиликке тартуу боюнча ыкчам-тергөө иштери жүргүзүлүүдө.
Булак: NazarNews.kg
< Предыдущий
Следующий >
Последние новости
