Иосиф Сталиндин чөбөрөсү Селим Бенсаад чындап эле үйсүз калды, деп билдирет анын пресс-атташеси Вадим Горжанкин 360 телеканалына берген интервьюсунда. Анын айтымында, Селимдин атасы, алжирдик Хосин Бенсаад Москвадагы батирдин кулпусун алмаштыргандан кийин, Селим көчөдөгү унаасында түнөөгө аргасыз. Горжанкин болуп жаткан окуяны Сталиндин чөбөрөсүнүн өмүрүнө кол салуу аракети деп атады.

Пресс-атташе үй-бүлөдөгү чыр-чатак - Селим Бенсаад менен жазуучу Лана Паршина жазган китеп чыккандан кийин күчөгөнүн айтат. «Лана менен Селим биргеликте даярдаган китеп жакында жарык көргөндөн кийин абал абдан курчуп кетти», - деди Горжанкин.

Ал, ошондой эле, үй-бүлөдөгү чыр Бенсааддардын батиринин ээлигине байланыштуу экенин кошумчалады.

Булак: NazarNews.kg