Деги эмне эле болуп жатат өзү? Көчкүсү бир жагынан кыйнаса, бир жагынан суу ташкындары азапты берип айлабызды алты кетирип жатканда эми жер чөгүп кетти. Атап айтканда, кечээ 12-майда, Баткен облусунун Сүлүктү шаарынын Шахтерская көчөсүндө жер жарылып, кыртышы төмөн карай чөгүп кетиптир. Туурасы 3 метр келген чуңкурдун тереңдиги 7 метрге жетерин ӨКМ кабарлады.

Чаламандын чак түшүндө болгон табият кубулушунан зыян тарткандар жок. Куткаруучулар пайда болгон чуңкурдун тегерегин тосуп, жарандарды коргоо боюнча шаардык комиссиянын чечими менен жолдор убактылуу тосулган. Учурда райондук  экотехинспекция түшүп кеткен жерди  изилдеп жатат.

Булак: "egemen.kg"