Европа реконструкциялоо жана өнүктүрүү банкынын (ЕРӨБ) мурдагы президенти Сума Чакрабарти Өзбекстандын президенти Шавкат Мирзиёевдин экономикалык өнүгүү, эффективдүү башкаруу жана эл аралык кызматташтык маселелери боюнча кеңешчиси болуп дайындалат.

Бул тууралуу Сума Чакрабарти “Твиттердеги” баракчасына жазды.

Full of joy as I have just heard that President Mirziyoyev of Uzbekistan is appointing me as his Adviser on economic development, effective governance and international cooperation. Looking forward to helping him implement his reform agenda.

— Suma Chakrabarti (@SumaChakrabarti) September 14, 2020

«Реформалар программасын иш жүзүнө ашырууга жардамдашууну чыдамсыздык менен күтүп жатам», – деген ал.

Чакрабарти мындан тышкары Казакстандын президенти Касым-Жомарт Токаевге экономикалык өнүгүү жана эффективдүү башкаруу маселелери боюнча кеңешчи болуп дайындалганын да кабарлады.

Белгилей кетсек, Сума Чакрабарти ЕРӨБдү 2012-жылдан 2020-жылга чейин жетектеген. Ага чейин (2002-2007-жылдары) Улуу Британиянын Юстиция министрлигинде жана Эл аралык өнүгүү департаментинде иштеген.

Эске салсак, быйыл июль айында Өзбекстандын президенти Шавкат Мирзиёев ЕРӨБ менен Өзбекстан ортосундагы стартегиялык өнөктөштүктү жолго коюудагы жана көп пландуу кызматташтыкты кеңейтүүдөгү салымы үчүн Суму Чакрабартини «Дустлик» ордени менен сыйлаган.

Булак: NazarNews.kg