www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
2020-жылдын ноябрь айында Кыргызстанда ВИЧ илдетин жуктуруп алгандардын расмий катталган жалпы саны 10219 кишиге жетти.
Алардын 9647си Кыргызстандын жарандары, 572си чет элдиктер.
Ооруга кабылгандардын 2527си каза болгон.
Республикалык СПИД бирикмесинин маалыматына караганда, ВИЧке кабылгандардын 64% эркектер, 36% аялдар түзөт.
Жугуу жолдорунун көрсөткүчтөрү төмөнкүчө:
Жыныстык жол менен (гетеросексуалдык катыш) - 46%;
Жыныстык жол менен (гомосексуалдык катыш) - 3%;
Парентералдык жол менен (ийне аркылуу) - 43%;
Энеден балага - 3%;
Аныкталбаган башка жолдору - 5%.
Белгилей кетсек, дүйнөдө 1-декабрда СПИДге каршы күрөшүүнүн эл аралык күнү белгиленет. Кыргызстанда оорунун алдын алуу боюнча 1-ноябрдан 1-декабрга чейин бир айлык өнөктүк жарыяланган.
ВИЧ - кишинин иммундук жетишсиздик вирусу. Анын акыркы стадиясы - СПИД. Учурда Кыргызстандагы ВИЧ илдеттүүлөр атайын программанын негизинде иммунитетти көтөрүүчү акысыз дарыларды дайыма ичип турушат. Дары-дармекти Глобалдык фонддун колдоосунда Республикалык СПИД бирикмеси берет.
Дүйнөлүк саламаттык сактоо уюму 2018-жылы Кыргызстанды ВИЧ ылдам жайылып бараткан 25 мамлекеттин тизмесине кошкон. Өлкөдө бул ооруну жуктурган адам алгач 1996-жылы аныкталган.
Булак: NazarNews.kg
< Предыдущий
Следующий >
Последние новости
