Сузак районунун Арал айылынын 28 жаштагы Сардорбек Арибжанов аттуу тургуну дайынсыз болууда. Бул тууралуу Жалал-Абад милициясы билдирди.

Маалыматка караганда, Арибжанов 2021-жылдын 8-декабрында саат 15:00дөр чамасында үйүнөн чыгып кеткен бойдон кайтып келген эмес. Анын жүргөн жери аныкталбай жаткандыгына байланыштуу Сардорбектин туугандары менен милиция коомчулуктан жардам сурайт.

Белгилери: бою 165-170 сантиметр, ак жүздүү, кашы, көзү, чачы кара, орто дене түзүлүштө, сакалы бар. Үстүнө көк түстөгү жинсы куртка, кара түстөгү жинсы шым, кара түстөгү кроссовки кийип жүргөн.

Бул жаранды көргөн-билгендер болсо 102, (03748) 5 02 09, 0778 15 15 91, 0550 31 31 22 номерлерине кабарлай алат.

Булак: NazarNews.kg