АКШнын мурунку президенти Дональд Трамп Ак үйдөн чыккандан кийинки биринчи күндү Флоридадагы гольф аянтчасында өткөрдү. Бул тууралуу The Washington Examiner билдирет. Трамптын гольф ойногонду жакшы көрөрү көпчүлүккө белгилүү. Ошондой эле, ал президент болуп турганда жеке гольф эс алуу жайына көп барган. Трамптын аны менен гольф ойногон тааныштары анын жаш курагын жана бул жаатта кесипкөйлүгүнүн жоктугун эске алып, анын оюн деңгээлин жогору баалашат.

20-январда Трамп жубайы Мелания менен Вашингтондон Флоридага учуп келип, Ак Үйдү АКШнын жаңы президенти Джо Байденге тапшырды. АКШда президенттик шайлоо 2020-жылдын 3-ноябрында өттү. Президенттикке негизги атаандаштар демократ Жо Байден жана республикачы Дональд Трамп болду. Референдумдун жана добуш берүүнүн жыйынтыктары боюнча Байден жеңип чыккан, бирок Трамп шайлоонун жыйынтыгын тааныбай, сотко берген. 6-январда Трамптын тарапкерлери өлкөнүн борбору Вашингтондо Капитолийдин алдындагы Конгресстин имаратын басып алышты. Капитолийге кол салуудан кийин Трампка каршы экинчи импичмент жарыяланды. Андан кийин бир катар мессенджерлер дагы Трамптын аккаунттарын жаап салышкан.

Ушул эле күнү Трамп Вашингтондо тарапкерлери менен жолугуп, анда чогулгандарды Капитолийге келип, мыйзам чыгаруучуларга "уурдалган шайлоолоруна" нааразычылык билдиргиле деп айтты. Трамп АКШнын тарыхында Өкүлдөр палатасы тарабынан эки жолу импичмент жарыяланган биринчи Президент болуп калды. Трамп биринчи жолу 2019-жылы декабрда импичмент жарыяланган. Ошол кездеги конгрессмендер Трампты бийликти кыянаттык менен пайдаланып, Конгресстин иликтөөсүнө тоскоолдук кылып жатат деп айыпташкан. Бирок Сенат Трампты актаган болчу.

20-январда Вашингтондо АКШнын президенти Джо Байден менен вице-президенти Камола Харрисинин инаугурациясы өттү. Андан кийин Байден расмий түрдө АКШнын 46-президенти болуп калды.

Рушана Султанова, Ташкент

Булак: NazarNews.kg