1. Телефондун аккумуляторун, SIM-картасын жана флэшкасын телефонду өчүрбөй туруп алуу керек.

2. Колдон келишинче телефонду силкүү менен ага кирип кеткен суюктуктардын баарын чыгаруу керек. Суунун акыркы тамчылары да сарыккандан кийин ичин кургак кездеме менен аяр кургактоо зарыл.

3. Мындан кийин кулак тазалагычка же тиш чукугучка жибек кездемени ороп спиртке малып, телефондун ичиндеги металл бөлүкчөлөрдүн баарын кылдат сүртүп чыгуу зарыл. Телефонду мындай ыкма менен тазалоодо кебезди колдонбой эле койгон туура. Себеби ал металлга илешчээк болот да, жармашып чыкпай да калышы мүмкүн.

4. Андан соң аны жылыткычтын жанына коюп кургатуу керек. Оңоюна карап чач кургатуучу фен менен үйлөө таптакыр туура эмес.

Булак: "lady.kg"