Президент Садыр Жапаров №13 Сузак бир мандаттуу округ боюнча Жогорку Кеңештин депутаттыгына мөөнөтүнөн мурда өтө турган шайлоонун күнүн белгиледи. Бул тууралуу президенттин маалымат кызматы кабарлады.

Жапаров кол койгон жарлыкка ылайык, шайлоо 22-сентябрда өтөт.

Эскерте кетсек, Сузак району боюнча 2021-жылы депутат болуп шайланган Тазабек Икрамов жакында эле, 19-июлда мандатын тапшырган. Бийликке сын айтып жүргөн депутат мандатын тапшырардан мурда 17-июлда УКМКда суракта болуп чыккан. Ал депутаттыктан кеткенинин себебин ачыктаган жок.

Булак: NazarNews.kg