Тайвандык аскерлер кечээ, 3-август күнү кечинде Тайван кысыгындагы Кинмен жана Бэйдинг аралдарынын үстүнөн учкан учкучсуз учуучу аппаратты байкап, анын багыты боюнча эскертүүчү шамдар атылганын Тайвандын коргоо министрлиги бүгүн, 4-августта билдирди.

Агенттиктин айтымында, Кинмен аралындагы Тайвандын аскерлери жардыргычтарды атып, учкучсуз учактын аймактан чыгып кетүү үчүн эскертүүчү ракеталарды коё беришип, аскердик кагылышууга даяр турушту.

Билдирүүдө учкучсуз учактын Кытайга таандык экени айтылган эмес.

Кинмен аралдары Тайван тарабынан башкарылат, бирок Кытайдын чыгышындагы Фуцзянь провинциясына жакын жайгашкан. Ошол эле учурда Кытай аралдарды Фуцзянь провинциясындагы Цюаньчжоу шаардык округунун бир бөлүгү деп эсептейт.

Булак: NazarNews.kg