Украинанын президенти Владимир Зеленский Кытайдын төрагасы Си Цзиньпин менен Украинадагы жаңжал боюнча түз сүйлөшүүнү көздөөдө. Бул тууралуу ал өзүнүн видео кайрылуусунда билдирди.

"Мен түз сүйлөшкүм келет. Мен президент Си Цзиньпин менен бир жыл мурун бир жолу сүйлөшкөм, бирок Кытай менен эч кандай сүйлөшүү болгон жок, алдыдагы сүйлөшүү пайдалуу болот деп ойлойм", - деди Зеленский.

Украин лидеринин айтымында, Кытай "өтө кубаттуу мамлекет жана кубаттуу экономика, ошондуктан ал Орусияга саясий жана экономикалык жактан таасир эте алат".

Эске салсак, Орусия Украинага каршы согушту 24-февралда баштаган. Путин анын максаты "сегиз жылдан бери Киев режиминин басмырлоосуна, геноцидине кабылып келгендерди коргоо" жана бул үчүн "Украинаны демилитаризация жана денацификация" жасап жана Донбасстагы "жай жашоочулардын канына забын болгондорду" аскер сотуна берип, жоопкерчиликке тартуу пландалып жатат, деп айткан.

Орусия - анын куралдуу күчтөрү аскерий соккуларды Украинанын аскердик инфраструктурасы менен күч түзүмдөрүнө уруп жаткандыгын, жай жарандарга багытталбагандыгын билдирет. Орусиянын колдоосу менен ДЭР жана ЛЭР топтору да өз аракеттерин улантууда. Путин - Украинаны оккупациялоо туурасында кеп жок экенин айтат.

Ошондон кийин АКШ жана НАТО өлкөлөрү Орусияга карата буга чейин болуп көрбөгөндөй катаал санкциялык чектөөлөрдү киргизген. Москва Батыштын мындай аракетин "экономикалык согуш" деп атоодо.

Үч айдан ашкан согушта эки тараптан тең аскерлер жана жайкын тургундардан миңдеген курмандыктар катталды. 

Булак: NazarNews.kg