Тайвандын премьер-министри Су Чжэнчан Кытай аралдын айланасындагы машыгуулары аркылуу аймактык стабилдүүлүк менен тынчтыкты бузуу үчүн өзүнүн куралдуу күчтөрүн "уятсыздык менен" колдонгонун айтты. Премьер-министрдин сөзү YouTube каналынан көрсөтүлдү деп Bloomberg агенттиги жазды.

Саясатчы Пекинди аскердик мүмкүнчүлүктөрүн көрсөтүүнү токтотууга чакырды. Анын айтымында, Тайбэй Пекиндин кысымына жана анын аралдын тургундарын коркутуу аракетине багынбайт.

"Кытай аймактык тынчтыкты жана стабилдүүлүктү бузуу үчүн аскерий аракеттерди жасады. Биз эч качан кысымга алдырбайбыз. Биз эркиндикти жана демократияны колдойбуз жана Тайвандыктар Кытайдын коркутуп-үркүтүүчү күч аракеттерин жана биздин эшигибизге кылыч уруп жатканын жактырбайт деп ишенебиз", - деди Су Чжэнчан.

Ал белгилегендей, Кытай өкмөтү аралдын айланасында «аскердик машыгууларын» токтотушу керек, анткени мындан Тайбэй эле эмес, башка мамлекеттер да жапа чегүүдө.

"Тайвань гана жапа чеккен жок. Коңшу өлкөлөр да катуу нааразылык билдирип, АКШ сыяктуу эркиндикти сүйгөн жана демократиялык өлкөлөр муну катуу айыпташты", - деди Тайван өкмөтүнүн башчысы.

Су Чжэнчан “чет элдик душмандар” кибер чабуулдар жана жалган маалымат кампаниялары аркылуу аралдын тургундарынын духун бузууга үмүттөнөрүн баса белгиледи.

Пекин өз аймагынын бир бөлүгү деп эсептеген Тайвандын айланасындагы кырдаал АКШ Конгрессинин Өкүлдөр палатасынын спикери Нэнси Пелосинин Тайбэйге жасаган иш сапарынан кийин кескин курчуп кетти. Америкалык саясатчы талаштуу аралга Кытайдын каршылыгына карабай барган. Пелосинин сапарына жооп иретинде Пекин Тайвань аймагында чоң масштабдагы аскердик машыгууларды баштаган.

Булак: NazarNews.kg