Талас облусунда КРВИ жана сасык тумоого чалдыккандардын саны көбөйгөнүнө байланыштуу бардык мектептер жана бала бакчалар он күнгө – 14-декабрдан 24-декабрга чейин карантинге алынды. Бул тууралуу Талас райондор аралык мамлекеттик санитардык-эпидемиологиялык көзөмөл борборунан билдиришти.

Адистердин айтымында, облуста 113 мектеп, 70 бала бакча бар. Ал эми сабакка келбегендердин саны 32 пайызды түздү.

Буга чейин Чүй облусунда алты, Бишкекте сегиз мектеп карантинге жабылганы маалымдалган.

Булак: NazarNews.kg