www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Министрлер кабинетинин төрагасы Акылбек Жапаров Талас облусуна болгон жумушчу сапарынын алкагында COVID-19ду аныктоочу вирусологиялык лабораториянын ачылышына катышты. Бул тууралуу өкмөттүн басма сөз кызматы кабарлады.
Маалыматта заманбап ПЧР-лаборатория алдыңкы жабдуулар менен камсыздалып, суткасына 800гө чейин анализди талдап чыгууга даяр экени айтылат.
Талас шаарынын тургундары жана лабораториянын кызматкерлери вирусологиялык лаборатория ишке берилгенден кийин COVID-19 инфекциясын аныктоо оңой болорун билдиришти. Буга чейин анализдер Бишкекке жөнөтүлүп турган. Жакын арада лабораториянын профили башка бир катар лабораториялык изилдөөлөрдү жүргүзүү үчүн кеңейтилери белгиленди.
Коронавируска каршы республикалык ыкчам штабдан билдиришкендей, соңку бир күн ичинде (22-январга карата-ред.) Кыргызстанда коронавирус 791 адамдан жаңы аныкталды. Вакцина албаган үч бейтап каза болду. Ооругандардын басымдуу бөлүгү Бишкек шаарынын тургундары (488 адам).
Саламаттыкты сактоо министрлиги өткөн аптада коронавирустун "омикрон" штаммы катталганын, өлкөдө коронавирустун төртүнчү толкуну башталганын билдирген жана оору кескин көбөйгөндүктөн Бишкек "кызыл зонага" кирген.
Булак: NazarNews.kg
< Предыдущий
Следующий >
Последние новости
