Жалал-Абад облусунун Таш-Көмүр шаарынын Панфилов №193 дарегиндеги турак жайдан чыккан өрттөн төрт адам каза тапты. Өзгөчө кырдаалдар министрлигинин (ӨКМ) маалыматына ылайык, кырсык 11-августта болгон.

Өрттү өчүрүүгө Таш-Көмүр шаардык өзгөчө кырдаалдар бөлүмүнөн эки өрт өчүрүү автоунаа, куткаруучулар тартылган.

Тилекке каршы, кырсыктан бир үй бүлөнүн 4 мүчөсү - 1961-жылы туулган Н.М. (эркек киши), эки эркек бала 2011-жылы туулган А.Б., 2014-жылы туулган А.Э. жана 2018-жылы туулган А.А. аттуу кыз каза болгон. Каза болго жарандардын жансыз денеси куткаруучулар тарабынан чыгарылып, Таш-Көмүр ШИИБине өткөрүлдү. Ал эми өрт эмнеден чыкканы азырынча белгисиз.

Булак: NazarNews.kg