Саясатчы Камчыбек Ташиев 31-майда кыргыз-өзбек чек арасында чыккан жаңжал боюнча өз пикирин билдирди. Анын сөзү төмөндө өзгөртүүсүз берилди.

"Урматтуу бийлик ээлери! Бүгүнкү Кадамжайдагы «булак талаш» конфликтин көрүп туруп силерге өтө ачуум келди. «Бул жер талаштуу» деп дагы айттырдыңар. Элдин абалын карагылачы, ар дайым жабыр тартат, үйлөрү өрттөнөт, келтек жейт, анысы аз келгенсип силер да куугунттуктайсыңар.

Элге болушкан, коруган, боору ооруган бийлик болобу же элдин добушу жана силерге берген бийлиги эле керек беле? Эгерде колдон келбесе, анда бергиле мүмкүнчүлүктү колунан да, тилинен да келе турган, өз эли жери үчүн жан берүүгө даяр адамдарга. Элдин азабын тартып калбагыла, эсиңерге келгиле!

Бирок кайрылгандан пайда деле чыкпай калды, укпай калдыңар….", - деп жазган мурдагы Өзгөчө кырдаалдар министри Камчыбек Ташиев.

Булак: NazarNews.kg