Улуттук коопсуздук мамлекеттик комитетинин төрагасы Камчыбек Ташиев жетектеген өкмөттүк делегация Ташкенттен келди. Бул тууралуу өкмөттүн маалымат кызматы кабарлады.

Белгилей кетсек, алар кыргыз-өзбек мамлекеттик чек арасын делимитациялоо жана демаркациялоо боюнча 23-мартта Өзбекстанга учуп кетип, 24-25-мартта жыйын болгон.

Өкмөттүк делегациялардын кеңешмесинин жыйынтыгы боюнча протоколго кол коюлган.

«26-мартта өкмөт үйүндө протоколдун мазмуну тууралуу кенен маалымат берилет», — деп жазылат билдирмеде.

Маалымат кызмат убактысы кийинчерээк айтыларын белгиледи. 

Булак: NazarNews.kg