www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Тажикстандын Улуттук коопсуздук кызматы 12-майда тажик чек арачылары Кыргызстандын аймагына өткөндүгү тууралуу кыргыз тараптын маалыматын четке какты. Мекеме окуя Бишкек билдиргендей Кыргызстандын аймагында эмес, кыргыз-тажик чек арасындагы тактала элек тилкеде болгонун билдирди.
12-майда кыргыз ММКлары Мамлекеттик чек ара кызматынын билдирүүсүнө таянып, автоунаа минген тажикстандык төрт аскер Кыргызстандын Лейлек районундагы аймагына 50 метрдей кирип келип, тургундардын документтерин текшере баштаганын кабарлашкан.
Мекемеден окуя болгон жерге Кыргызстандын аскер жана күч органдарынын кызматкерлери барып, жаңжалды басышканын кошумчалашкан.
Бирок Тажикстандын Чек ара башкармалыгынын басма сөз катчысы Мухаммаджон Улугхожаев кыргыз тараптын маалыматтары чындыкка дал келбей турганын билдирди. «Биздин чек арачылар чектеш аймакка кирип кеткен деген маалымат жалган, алар чек аранын талаштуу тилкесинде болушкан», - деди ал.
Ал ошондой эле чек арадагы окуяга байланыштуу тажик тарап кечирим сурагандыгы тууралуу Кыргызстан Чек ара кызматынын билдирүүсүн дагы четке какты.
Булак: Борбордук Азия жаңылыктары
< Предыдущий
Следующий >
Последние новости
