“Тажикстан менен Кыргызстанда эрежелер бирдей болмоюнча чыр-чатактар чыга берет”, - деди бүгүн, 7-майда NazarNews агенттигине коомдук ишмер Эмил Үмөталиев.

--“Тажикстандын кыргыз элине кол салуусуна көп себептер бар. Ал жерде көп нерсе былыктын катышуусу менен чырмалышып кеткен. Эрежелер бирдей болмоюнча чыр-чатактар чыга берет. Укук тартибин орнотуш керек.

Азыр Баткенде экономикалык абал абдан оор болуп жатат. Бийлик дагы экономикалык оор кырдаалдан чыгарыбызды белгиледи. Бирок жалпы коомчулук абдан жакшы жардам берип жатат. Ал убакытылуу гана жардам болуп саналат. Алар менен кыйынчылыктан чыгабыз дегенге болбойт. Бул багытта туура жана ыкчам аркеттерди көрүү зарыл”, - дейт коомдук ишер.

Булак: NazarNews.kg