Кыргызстандын Улуттук коопсуздук боюнча мамлекеттик комитетинин Чек ара кызматы саат 11:30да Достук айылында Тажикстандын аскер кызматкерлеринин минометтук чабуулун биздин бөлүмдөр басышканын билдирди.

Анын айтымында, андан кийин саат 12.30дан 12.35ке чейин тажик тарап Баткен районунун Төрт-Көчө аймагында КР ИИМдин Ички аскерлеринин позицияларын жана бөлүктөрүн аткылаган. Азыр атуу токтоду. Окуя боюнча иликтөө иштери башталды.

Ок атышууну токтотуу келишимин бузуп, саат 12:37де тажик тарап Ош облусунун Чоң-Алай районундагы Тешик-Таш, Карамык жана Кароол-Дөбө айылдарындагы кыргыз чек арачыларынын позицияларын миномет жана артиллериялык куралдан аткылай баштады.

КР УКМКнын Чек ара кызматынын Ош облусуна жайгаштырылган бөлүктөрү жооп иретинде ок атышты. Бирок окуяны басаңдатуу үчүн кыргыз аскерлери биринчилерден болуп ок атууну бир тараптуу токтоткон.

16-сентябрь күнү эртең менен Кыргызстан менен Тажикстандын чек арасындагы бир нече участоктордо ок атышуу башталган. Лейлек жана Баткен райондорундагы калктуу конуштар аткылоого кабылды. Саламаттыкты сактоо министрлиги 103 адам жабыркап, 24 адам каза болгонун билдирди. Кыргыз-тажик чек арасындагы куралдуу кагылыштан улам Баткен жана Лейлек райондорунун жети айылынын, ошондой эле Ош облусунун Чоң-Алай районундагы Жекенди айылынын тургундары үйлөрүн таштап кетишкен.

Кыргыз Республикасы менен Тажикстан Республикасынын президенттери Садыр Жапаров менен Эмомали Рахмон ок атышууну токтотуу боюнча макулдашты. Бирок, Кыргызстандын Улуттук коопсуздук боюнча мамлекеттик комитетинин Чек ара кызматынын акыркы маалыматы боюнча, тажик тарап келишимдерди кайрадан бузган.

Кыргызстан менен Тажикстандын чек ара өкүлдөрүнүн сүйлөшүүлөрү күтүлүүдө.

Булак: NazarNews.kg