118 кызматынын линиядагы операторлорунун иши саат 08:00дөн кечки саат 22:00гө чейин узартылат. Бул тууралуу, Бишкек шаардык мэриянын маалымат кызматы билдирди.

"Зарылчылыкка жараша линияларды жана мобилдик бригадалардын саны көбөйтүлөт", — деп айтылат маалыматта.

Мындан тышкары, шаардык транспорт башкармалыгы коомдук транспортто санитардык ченемдерди жана эрежелерди сактоо боюнча рейддик, дезинфекциялык иш-чараларды жүргүзүүнү күчөтөрү кошумчаланды.

Белгилей кетсек, акыркы күндөрү Кыргызстанда коронавирус инфекциясына кабылгандардын саны өсүүдө. 12-январда өлкөдө биринчи жолу вирустун «омикрон» штаммы катталган.

Булак: NazarNews.kg