КР Тышкы иштер министрлигинин Консулдук кызмат департаментинин 1-катчысы Калиев Марлен Бектурсуновичтин мезгилсиз дүйнөдөн кайтты. Бул тууралуу аталган кызматтын басма сөз кызматы билдирди.

"Кыргыз Республикасынын Тышкы иштер министрлигинин Борбордук аппаратынын, Кыргыз Республикасынын чет өлкөлөрдөгү мекемелеринин жана дипломатиялык кызмат органдарынын системасынын ведомстволук уюмдарынын жамааты маркумдун бир туугандарына жана жакындарына терең кайгыруу менен көңүл айтат", - деп айтылат маалыматта.

Марлен Калиев Кыргыз Республикасынын дипломатиялык кызмат органдарынын системасында 2006-жылдан баштап иштеген. Май айында ал 45 жашка толгон. Ал эмгекчилдиктин, максатка умтулуунун жана кесипкөйлүктүн үлгүсү катары кесиптештеринин элесинде түбөлүк калат.

Орду толгус жоготуу кайгысын тең бөлүшөбүз.

Булак: NazarNews.kg